2025秋冬季四大時裝周來到最後一站巴黎，巴黎時裝周吸引全球關注，各大品牌請來不同名人明星，真正星光熠熠。
鄭希怡（Yumiko）得到Balenciaga的邀請，特別飛到巴黎，亮相秋冬系列「標準」發布騷。Yumiko提早了一日到巴黎，跟好朋友蔡卓妍（阿Sa）及馬天佑飯敘見面，Yumiko說：「今次係我第一次去巴黎睇Balenciaga嘅show，見到好多打扮得好有型嘅人，亦都有朋友喺度，我又同阿Sa、馬佑佢哋食飯，他鄉遇故知感覺，幾時都係咁溫暖！」
而一直對穿搭有獨到見解，偏愛黑色系的Yumiko，於今次時裝周的品牌發布騷上，以一襲黑色高領襯衫搭配沙漏包臀裙亮相，演繹出率性時尚美感。Yumiko簡單的低馬尾髮型配黑色蝴蝶結，配上紅唇已給人眼前一亮感覺。原來，今次Yumiko特別邀請化妝師老公Andy Leung為她化妝，Yumiko說：「好耐冇一齊做嘢，今次寓工作於娛樂，同佢留多兩日，行吓街去吓博物館，玩吓！」
完騷後，Yumiko說：「今日全日都好忙，都冇時間食嘢，完全唔記得食嘢，完騷後就好肚餓，食咗碗牛肉麵，好滿足！」
