鄭伊健與黃淑蔓（Feanna）在澳門舉行音樂會，由歌單到服裝都全新安排，「王子look」的伊健、露背晚裝長裙的「公主」Feanna，與一眾穿上禮服的樂手演出。伊健以《全城效應》、《友情歲月》和《一個為你甘去蹈火海的人》揭開序幕，歌迷湧到台前握手和拍照。接着他演唱一系列經典情歌《一生愛你一個》、電影《久別重逢》同名主題曲、《長髮》和《吻感》等，Feanna則獨唱全新編曲的《動地驚天愛戀過》。伊健獻唱《自動勝利 Let’s Fight》時向觀眾大派禮物，又即興玩包剪揼，氣氛熱鬧。
音樂會完結後，Feanna大讚伊健的造型及舞台設計相當華麗，伊健指這一切其實全歸功於她。伊健說：「今次真係因為佢，上次見佢去金像獎穿晚裝，原來佢可以咁樣。我哋今次個騷已經係第三次做，每次都要有新鮮感，既然佢著得咁Grand，不如我哋就用呢個好Grand嘅概念去揀歌做音樂，朝住呢個方向去編排今次音樂會。」
伊健感嘆兩人相識多年，由她初出道已合作，見證她成長。他好奇問當年攞獎後，為何暫別樂壇遠赴外國升學？Feanna說：「因為真係想讀大學。」伊健讚賞她有主見和勇氣。他笑說：「5年前一齊拍《深宵閃避球》，佢嗰陣（身形）係而家3倍，性格好好，好似公關咁幫手照顧成班人，真係睇住佢成長。聽講近來又攞咗好多獎，有冇少少得戚？」百厭的Feanna哈哈大笑說：「多多得戚！」
伊健自爆出場前發生蝦碌事，「我唔記得戴隱形眼鏡！」伊健說：「我臨出場先發現，咦？點解咁唔清晰嘅？原來冇戴隱形眼鏡！但我要出場啦，惟有照唱。咁多年第一次！」反而是工作人員擔心他看不清舞台有危險。伊健笑說：「我平時個人模糊，上台最清晰，今次連上台都唔清晰！」Feanna說：「好彩你熟晒啲歌詞，唔使睇提詞機！」
更多圖輯：
