太極樂隊主音結他手鄧建明（Joey Tang）剛於周六（8日）、周日（9日）在香港國際機場出席《機場文化藝術節2026》，現場表演多首經典金曲，包括《紅色跑車》、《留住我吧》、《一加一減你》、《鐵塔凌雲》，昨日剛好在機場辦理登機手續的側田，聽到耳熟能詳聲音，馬上走到舞台要求與Joey Tang即興合唱。兩人默契十足，零綵排下，為現場朋友及旅客即時送上《一生不再說別離》，一曲唱罷，側田馬上登機繼續行程，臨走前還在包包內掏出一個可愛毛公仔送贈給Joey哥留念。側田認真對着Joey哥講：「我唔會忘記今日喺機場嘅演出」，場面既溫馨又感動。
Joey Tang表示：「我同阿田好幾年冇同台演出，真係冇諗過會喺機場偶遇，佢話要上台一齊合唱，就係咁完全冇綵排之下一嚟就唱，唱完，我馬上送佢搭電梯，雖然只係幾步路，但係俾旅客重重圍困，我哋有求必應，同旅客一齊合照，見到大家都好開心，希望阿田趕到班飛機。」
Joey Tang續謂在機場演出還有一件相當有趣事情：「原來喺熙來攘往嘅機場大堂中，會碰到好多朋友，例如遇見尹揚明、小學同學、波友、教練，大家就捉緊呢一瞬間重聚同打卡留念，呢份忙碌中嘅小確幸感覺特別珍貴。」
三位年輕歌手：張光宇、謝家俊及梁嘉𩓙更在今次活動，跟Joey Tang合唱《不再猶豫》及《半斤八両》，表現相當興奮。同場還有兩位從上海而來的年輕歌手，分別是方旭及周語菡，演繹了多首國語金曲，包括《如願》、《夜來香》、《飛得更高》等等。
