193郭嘉駿今日（5日）凌晨在Threads發帖，寫道：「頭先屎窟痕search吓大家呢排討論緊193啲乜？然後見到呢位師兄嘅comment，我嘅習慣係撳入去睇吓呢類人平時啲reply係咪都咁憤世嫉俗，研究吓佢哋覺得個世界欠咗佢啲乜、佢哋嘅憎恨或者妒忌心係源自乜嘢。但今次一撳入佢Profile竟然有真人相（呢類留言見得多，但多數都係假Account冇頭像），睇完之後我突然釋懷咗好多。」
193並轉發該網民的留言：「條友咁柒都睇……」原來該網民是回應另一人發帖表示想霸位睇193，但因為身體不適而未能前往。其實該網民有解釋覺得193柒，並不是指其樣貌，而是行為，認為他重複犯錯，例如「撞到人走咗去唔即時報警」以及公開批評經理人等，然後再聲淚俱下道歉。
不過，因為193的轉發，令該網民面對許多網民攻擊，「師兄切記下次話人7之前先睇睇自己」、「講柒你認第二冇人敢認第一」、「柒頭最鍾意話人柒，一啲都冇X講錯」，有許多人更撳入去該網民的Threads睇對方咩樣，然後嘲笑「睇完要洗眼」、「Profile裏面啲相，他本身就柒，所以193釋懷」。
有網民質疑193的做法是「擺明帶頭引啲粉絲攻擊人哋既（嘅）外貌，你自己立咩心腸你自己知，你其實知你啲fans會幫你出頭講啲乜去攻擊人㗎。」「呢個193真心睇佢幾時又出嚟聲淚俱下求人原諒，成日喺度帶頭引啲粉絲去網絡欺凌其他人，攻擊人哋嘅外貌。」「條友小家到咁X得閒專搵網民出火」。亦有人勸籲193：「小心又放假」，193回應：「唔會啩，我已經小心咗，check咗今次呢位師兄唔係自己公司人，同埋我冇鬧佢。」
更多圖輯：
