Advertisement

趁汪阿姐離港即口花花 羅家英讚馮盈盈堅、挺

本地
2025.03.31
撰文:王崇穎攝影:Andy

ka16

羅家英、馮盈盈及關楓馨等今日(31日)出席無綫節目《飲茶》記者會,由於關楓馨喉嚨痛失聲,導致完全講唔到嘢,令馮盈盈搶盡風頭,家英哥更大讚盈盈魔音了得,「盈盈把聲尖又有力,腦筋清晰,口齒靈活,個人又惹火喇,去到廣州拍外景時好多男仔跟住佢,其實阿姐之前讚佢身材好,我都只信一半,今次就碌大眼睇,發覺唔係好對路,果然堅同挺,我講緊佢性格夠堅,講嘢夠勁。」阿姐離港,家英哥可以攞正牌口花花,「而家襯阿姐飛咗就可以講多啲,冇見阿姐即刻就懷念佢,佢朝早五點起身跟住開晒燈,我繼續扮瞓,佢就自己去機場,我八點幾起身睇電話,佢就已經起飛了。」

ka31

馮盈盈表示家英哥難以捉摸,但依然有火花,「家英哥真係好難捉摸,但我同佢合作好開心,佢無話我,只係大家交流,所以好有火花,節目會有好多佢經典嘅場面。」

更多現場圖輯:

姜濤 陳卓賢 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹