無綫今日（21日）舉行《長期服務暨傑出員工榮譽大獎頒獎典禮 2025》，今年獲得「30年服務獎」藝人包括：湯盈盈、黎芷珊、滕麗名、姚瑩瑩；獲「20年服務獎」藝人有關浩揚、曾琬莎、鄧永健；而獲「10年服務獎」的藝人有：周嘉洛、吳偉豪、谷婭溦、關曜儁、林凱恩、鄧伊婷、區永權、鄭恕峰、崔錦棠、梁芷珮、車婉婉及吳岱融等。至於「傑出員工」由譚俊彥及龔嘉欣摘下，譚俊彥表示，「噚日朋友拎返剛入行嘅相俾我睇，我都嚇親，我俾仔仔睇，佢睇完話自己靚仔啲，今日攞傑出員工，之前我在拍《企業強人》，而陳豪拍《破毒強人》，賣毒品都可以拎傑出，咁無理由，我真係向佢學習，而龔嘉欣係拍《企業強人》拎到，強人系列都好專業地做到傑出員工，所以好感恩。我認識龔嘉欣時，她穿短褲背心，當時她正拍攝《殺手》，打到周身瘀，直頭手指都彎，當時大家都替佢心痛，她完全不會計較辛苦，大家看見她的努力，所以才會有這個肯定。」
身旁的龔嘉欣謙虛地說：「這些都是前輩教落，從來未聽過前輩們講辛苦兩個字，一定會演好角色，之前都有跟譚俊彥合作，都試過有場戲情緒來了，出盡全力摑了他廿幾巴，他避都無避，甚至一句怨言都無，因為大家都喜歡這份工作，所以專業都是由前輩身上學習。其實我上年都做了很多慈善的工作，又去了孟加拉做兒童探訪，甚至有關流浪狗嘅慈善都有做，我會覺得有需要用我藝人身份去宣傳的，我都好樂意去做，其實我現在每兩星期，都會跟朋友做一個義工工作，都是私下去做。」問她是否成為公司吸金王？「我唔敢認係，但無可否認去年係破了自己入行以來的紀錄，係好開心。」
湯盈盈、黎芷珊、滕麗名今年拎「30年服務獎」，湯盈盈表示很感觸，「入咗公司30年，我而家先知舊金係真，前兩塊都有但無去考究，我期待40年。」而黎芷珊後悔曾經離開TVB兩年多，「我好開心，其實我唔止30年，因為中間離開過TVB兩年多，其實我應該係四十多年，我就係因為離開了兩年多，原來40年的金牌好大，我蝕咗，雖然我唔知價值幾多，但佢咃話好大塊，我當初唔應該離開TVB。」
更多現場圖輯：
