謝嘉怡（Lisa）上個底摘下港姐冠軍後，工作機會接踵而來。Lisa今日與亞軍陳楨怡、季軍郭柏妍等參與節目《娛樂大家》錄影，問到媽媽將移居香港，Lisa有否在港置業的打算，她直言香港樓價高昂，「而家我諗住搵樓搬，我工作會見好多人，唔想有乜事影響到嫲嫲屋企，況且媽咪又就嚟香港，我搵定樓大家住。」
對於早前網上流傳疑似她的裸照，Lisa再三否認相中人非她，「個樣都唔同，同埋佢有粒墨，相好似喺船影嘅，我冇佢咁好身材。」她稱自己思想較保守，即使拍拖也會拍這種照片。而Lisa又表示目前只專注事業，未急於找男友。
