食粥食飯靠呢鋪岑傲明
亞視bye bye，Viu TV 99台即日試播，四月六日正式開台，等了幾年的免費電視大戰終於開始，戰火最猛烈是黃金時間。Viu用《8點新聞報道》對抗新處境喜劇《八時入席》。無綫新聞被詬病，now新聞是黑馬。接下來Viu以首輪配音韓劇如《太陽的後裔》、《回來吧！大叔》和《請回答1988》迎戰無綫八點半劇集，沿用韓劇編排，每周播放兩集。
周播是一棋；無綫一周五天甚至七天播劇，形成慣性收視，周播就是突襲，意圖打斷無綫播劇節奏，港視早應考慮。然而，Viu的情況和港視不盡相同，因為這批韓劇在Viu OTT已有十集以上的無配音字幕版存貨。你緊張追劇，就看OTT。Viu TV和OTT自己人打自己人，Viu OTT搶去自家免費電視的頭啖湯。
其實，憑《太陽》此刻聲勢，Viu絕對有條件擺大個頭，排在一至五和無綫正面交鋒，以三周打破慣性收視，殺個片甲不留。不過，Viu管理層考慮到存貨和後勁不繼，寧願以不同的節目編排長線改變觀眾慣性，而非急於一時搶客。
Viu安排了自家實況娛樂對撼無綫九點半劇集，包括《跟著矛盾去旅行》、《Barter Game價值連城》、《慳D啦Honey》、《同2047特首上學去》和《煮吧！換左我阿媽》，參考韓國綜藝以想法行先，個個節目有諗頭有話題，絕非無綫一般旅遊和飲食節目可比，若然節目迴響及得上無綫《盛女》系列，無綫未必可擋！
無綫上市二十七年，本業首次錄得虧損，金融風暴、科網爆破、沙士和金融海嘯都未試過！這可歸咎於大陸經濟環境不明朗，因為埋單蝕四百二十八萬，其實單是人民幣定存就蝕了四千二百萬。不過，業績報告同時強調經營成本增加和收入減少，透露目前廣告商投放廣告承諾和首季度消費，評估本年度收入疲弱。
如果我是廣告商，早知道Viu TV新台出現，也會對無綫持觀望態度。因此，四月份絕對是關鍵！食粥食飯靠呢鋪！未料先鋒竟是《末代御醫》！此劇曾被傳雪藏，最後二十二集剪到二十集上戰場！廖化作先鋒？還是有眼不識泰山？