武漢肺炎疫情全球肆虐，多個國家相繼採取封關措施防疫，馬來西亞政府16日宣布當天起至31日，進利全面「鎖國」，禁止外國遊客入境以及馬來西亞國民出國。而在大馬拍攝網絡劇《女法醫JD》的關智斌（Kenny）和蔡卓妍（阿Sa）亦大受影響，早前他們與同劇演員陳家樂、何珮瑜（Jeana）以及拍攝團隊要漏夜執拾行李，慌忙趕往另一個拍攝場地。
經理人霍汶希（Mani），透露阿Sa與Kenny的情況，她指劇組暫時逗留在馬來西亞，「因為我哋第二個景未拍完嘅，我都係啱啱過去第二個景咋。如果離開馬來西亞，再返嚟要隔離14日，如果四月復工，我哋又要隔離14日，藝人可能會遇上好大問題。暫時我哋大部分嘅主演都冇問題，佢哋好好，同劇組共同進退，喺當地休息酒店，唔會周圍跑嘅，到4月初復工為止。」
Mani又表示藝人現時很安全，「當然對我哋拍攝嘅進度有兩個星期影響啦，係呢個段『封城』嘅期間，唔可以拍攝，唔可以聚會，導致藝人嘅工作有影響，包括拍攝工作及廣告等檔期亂咗，現時我好頭痛，不過請放心，佢哋好安全。」
圖片來源：蔡卓妍、關智斌、霍汶希@Instagram