葉麗儀與陳潔靈將於9月假東九文化中心舉行四場《葉麗儀 x 陳潔靈 Timeless Classics 盛世經典演唱會》，她們到新城接受《原來生活好快樂》節目訪問。陳潔靈表示選擇東九文化中心開騷，是緣於去年曾在該處觀賞音樂劇《一束光——高錕的記憶》，「我上年11月去睇咗一個音樂劇，我就覺得，嘩，嗰啲聲好靚，舒服到不得了。」
她大讚劇院配備了沉浸式音場系統，利用超過170個揚聲器，令音響可以呈現不同維度，有高度、遠度和深度，加上團隊會額外加裝喇叭，令聲音更為龐大。她表示這次演出以音樂行先，希望觀眾可以真正感受音樂整體的定義。葉麗儀坦言有壓力：「因為你咁靚嘅場，你簡直係聽到我哋所有嘅不足之處，所有嘅瑕疵，其實係好驚㗎。」
陳潔靈笑指做這個演唱會「純粹唔係為咗錢」，是希望帶觀眾到一個「應該去到嘅位置」：「有時你睇到網上話睇演唱會好嬲，聲又點、回響又點、又睇唔到藝人……我想俾一啲鍾意音樂、或者有要求嘅觀眾都可以感受呢樣嘢。」
談到演唱會選曲，陳潔靈表示她們各有一張歌單，但《千個太陽》是兩人都堅持要唱的。葉麗儀笑說：「佢同我講，我做呢個演唱會就係想唱呢首歌。」由於二人各有不同演繹方式，最終決定一人唱一場，為觀眾帶來兩種不同風格的版本。陳潔靈又提到，演唱會中會加入一兩首「滿足自己」的歌曲，雖然並非自己的作品，但希望用新的演繹方法呈現，讓大家有新鮮感。
更多圖輯：
