岑麗香（香香）今日（12日）出席戶外兒童空間活動，她說平日都經常帶兩個囝囝戶外活動，「佢哋平時鍾意玩車，畫畫，同埋我會帶他們去公園玩放電，始終小朋友好需要戶外活動空間，可以幫助身體及腦全能發展比較好，每個爬行動作令手腳健康及人更活潑。至於天分就睇佢哋自己。」
日前她在社交網分享在健身室操肌的片段，片中，見她現身洪永城老婆Inez在銅鑼灣開設的健身室，並說道：「今日有新挑戰」，原來挑戰平板支撐動作，邊單手支撐邊做動作，跟足節拍，手腳協調，動作十分輕盈，「自己都做開運動，郁吓都令自己開心啲。原本以為湊佢哋夠晒運動量，原來追小朋友同舉重健身係兩回事，做咗運動先可以繼續再追佢哋，因為以前拉筋為主，所以一開始舉重量都怕自己做唔到，又好想嘗試，雖然一開始未得但最後一步一步去做，練咗十次之後做到好開心。」
農曆新年將至，香香表示會留港度歲，「新年會留喺香港過，行吓花市同拜年，小朋友可以收利市，佢哋會好開心。」至於與老公可有二人世界？「二人世界要好努力把握，真係少咗好多，除咗要book雙方時間，又要book餐廳，主要要睇大家有冇期，要提早book時間相處係好緊要，但二人世界就唔會講小朋友嘅事，其他咩都可以講。」
更多現場圖輯：
