陳自瑤今日（30日）出席電子產品發布會，她表示自己及囡囡都經常上網，囡囡已13歲踏入青春期，自己都會多加留意，「以前細個剛開始用電子產品會有限制，幾點之後唔可以用，好多父母都怕小朋友用太耐，對眼同腦部發展有影響，但小朋友長大要返學，好多時候都需要用到電腦，所以𠵱家無得控制，惟有要揀有護眼嘅電子產品。」驚唔驚網上世界畀人呃？「都驚呀，所以我同囡囡嘅電話係互通，佢做咩我都知，好好笑，有次出街，對方唔識我哋，問我係咪佢家姐，以為我哋兩姊妹，所以佢呢啲年紀唔可以限制佢，只可以當朋友。」
她表示近日忙於深圳拍劇及廣州做直播，相當忙碌，「呢排好忙，每日都在深圳開工，再去廣州做直播，不停中港來來回回，不過劇集11月中就拍完，雖然好忙但都好開心，可以涉足唔同範疇，遲啲又會有新方向，因為自己都想有不同新鮮感。」當再問到網民繼續揣測她與老公王浩信的婚姻狀況時，她即說，「大家都揣測咗好耐，唔講太多，總之同老公嘅問題唔回應喇。」
更多現場圖輯：
