94歲修哥胡楓上月30日在小紅書，公開自己因急性膽管炎入伊院ICU，昏迷4日在鬼門關走了一轉。事隔兩周，修哥再次亮相，今次是由蔡一傑發布上門探望修哥的片段，傑仔留言：「修哥畀我睇當年佢唱我嘅歌，非常好笑，我還煮飯給他吃，他精神奕奕非常好👍🥰 #經過批核 #健康非常」
片中傑仔拎住手機播放昔日修哥以泰文演唱草蜢《失戀》節目片段，傑仔邊看邊大笑，又問修哥：「你曉唔曉唱㗎？你係咪真係識泰文㗎？」修哥即淡定反問：「你話吖，你識唔識吖？我唱你聽唔聽得懂吖？」修哥表現依然精靈，精神十足又夠晒中氣，傑仔都要舉手指公大讚舞王修「勁呀」！最搞笑是傑仔拍到坐在餐椅上的修哥，上身穿恤衫，下襯短褲，罕有露腿。
網民見到修哥精神奕奕簡直安心曬，並祝修哥和傑仔都要身體健康、開開心心。除了修哥大病初癒，傑仔於2024年做了切除腫瘤的開腦手術，今年4月公開病情表示術後獲醫生告知他癌細胞已擴散，幸他不放棄一直在接受治療，至今進展很好。
