陳瀅呢短短12秒嘅表情變化，極富層次。
TVB台慶劇《美麗戰場》昨晚（26日）有兩大高潮位，一是一言Sir（陳山聰飾）遭家寶（陳瀅飾）及琳琳（孫慧雪飾）設局陷害當眾瀨尿兼被狂影；另一高潮位則是龐子珊（何依婷飾）向阿哥宇少（方力申飾）攤牌，一口氣將積壓多年的冤屈爆發出來。
為了「澄清」腦退化，一言Sir找來相熟傳媒接受專訪，豈料遭家寶及琳琳事先將藥物調包成興奮劑，就在「澄清」大計進入尾聲期間興奮劑藥力發作，一言Sir瘋狂手震兼當眾瀨尿，山聰由撕心裂肺式咆哮，到青筋暴現，再到失語的演出，令病發畫面極度真實。在一言Sir狼狽之際，家寶殺入現場「扮好人」終止專訪，但轉過頭攬實一言Sir時，即一秒變臉極盡陰森地刺激一言，表情更在12秒內由陰險轉為陰陰嘴笑再轉為狠毒，層次豐富。之後靜兒（劉佩玥飾）緊接出場並叫同行傳媒狂影一言Sir醜態，期間盡情地對一言Sir冷嘲熱諷，表情涼薄。最終家寶與靜兒皮笑肉不笑地望向鏡頭更是令人極盡心寒、戲味爆標。該幕昨晚在不同討論區均引起熱討，網民對山聰演技讚不絕口，並直指忘恩負義的家寶好奸。
山聰呢段戲同樣做到好豐富嘅層次，包括恐慌、不甘、憤怒及無奈等。
向來予人感覺清純的何依婷，這次破天荒飾演心計千金，昨晚直踩阿哥屋企攤牌一幕，更將其陰暗面「晒冷」。開口埋口話阿哥廢柴的子珊，臨離開前一時笑住、一時聲嘶力竭爆seed鬧爆阿哥：「阿哥咁又點呀？邊個叫你咁廢呀？」、「我哋都係姓龐㗎，點解個天要對我咁唔公平？」、「我等咗好耐，等你俾爹哋踢出龐家，終於俾我等到囉，知唔知我幾咁開心，我每晚發夢都笑醒呀！」說畢再拋出超狠眼神準備離去，並字字鏗鏘對宇少作最後警告：「如你夠膽唔嚟，我保證你以後冇好日子過！」
真係冇乜幾何見到依婷咁狠又咁激動。
