盧瀚霆國際後援會為偶像慶生，於今日（27日）開始至7月上旬在又一城舉辦《Anson Lo & Sontos – Together We Glow Popup Store》。神徒可於會場內自製「神徒專屬」生日卡，更可即場隨機抽取收藏卡、製作紀念鑄幣等。
綽號「神徒婆婆」的樂迷帶同外孫現身，她表示湊孫時睇MV，不知不覺間令外孫亦成為「神徒」，「平時我都會買網上個唱門票，將成屋佈置好一齊睇騷！因為Anson Lo好孝順、好堅持，呢啲都值得孫仔學習！」另一對神徒夫妻檔齊來撐場，丈夫表示受太太影響而一同追星：「睇佢啲MV真係好似『摩打腳』咁，真係好厲害！在老婆心中Anson Lo一定比我靚仔，但我就成熟的！」有「小神徒」即場跳舞大騷《Hey Hey OK》外，亦親手畫畫送上祝福：「呢幅畫我畫咗成日，希望在生日會當晚送給Anson Lo！希望他生日快樂、身體健康，早日可以再做運動。」
更多圖輯：
