TVB新劇《璀璨之城》即將播出，張智霖（Chilam）與吳卓羲（Ron）繼《衝上雲霄II》後，相隔13年「世紀合體」，成為劇集最大賣點。TVB日前釋出官方宣傳片，兩人各自解構新劇角色。
談到劇中飾演「官孝賢」，Chilam坦言是從演以來最邪惡的存在：「Cool魔今次真係成魔喇，官孝賢係壞事做盡嘅，包括所有殘忍同精神虐待嘅事情。」他續指：「官孝賢係我從影以嚟未試過咁邪惡嘅，我作為演員都好想知自己底線或者Ceiling喺邊度、不停觸碰自己唔同嘅可能性，今次我覺得（對於我嚟講）都係某一種極限。」
向來有「衝動王」之稱的Ron，這次跳出框框飾演超穩重能幹的富家子弟，他笑言：「今次我唔玩衝動，我淨係玩手段。」相比Chilam的極級邪惡，Ron的角色游走於正邪之間，面對逐步成魔的孝賢，孝君應以惡制惡還是堅守邪不能勝正？箇中的複雜與內心掙扎，對Ron來說也是從影以來最衝擊的一次挑戰。
Ron與Chilam亦暢談再度合作的感受。Ron坦言一知道對手是Chilam後，即馬上答應接拍：「我同Chilam 2012年到依家再次合作，想睇吓有冇新火花，覺得會係好好玩嘅事情。」Chilam則對這位《衝II》下屬讚口不絕，坦言與Ron拍攝《璀璨》時氣氛愉快：「今次我哋做兩兄弟，能夠碰撞嘅機會更加多，我覺得佢係好好嘅演員，好準時，會配合之餘亦都有佢自己嘅諗法。」他續指：「佢又好幽默、好放鬆，每次大家對戲有唔同睇法時，都好容易攞到共識，係好愉快嘅一次合作。」
Chilam還具體剖析官氏兄弟之爭的複雜及立體之處：「今次係兩兄弟互鬥，鬥嘅時候好無情，但因為佢哋係兩兄弟，有時又會幾有義，無情有義你睇過未？」
