王嘉爾（Jackson Wang）昨日（24日）以「創作總監」身份出席主題樂園活動，Jackson身為前劍擊運動員，他透露平時仍有玩劍擊，因為有助減肥，「劍擊係一個運動，玩一個鐘其實已經燒咗900卡路里。」如果在韓國，會與不同的前國家隊代表打。張家朗或許會離開劍擊賽場，Jackson可會覺得可惜？他表示不會，「佢已經係我哋嘅驕傲，日子總係要過嘅。」另外，蔡俊彥被網民取笑貌醜，Jackson認為娛樂圈令你笑，令人鬧，令人減壓，這就是本質，亦是這個行業的最基本，他指自經常被網民「鬧爆」，所以見怪不怪，「以前細嗰時會唔開心，但依家唔會，開心又一日，唔開心又一日，你肯鬧我已經好感謝，最慘係鬧都唔鬧。」
近日有傳王嘉爾與韓國女團i-dle中國籍成員宋雨琦秘戀7年，Jackson強調沒有此事，「係冇嘅」，有傳已經見過家長？他回應：「好多人都見過我父母」，亦不打算作出反擊，「即係人哋話我唔係男仔，你會唔會覆佢？」Jackson指現在單身，「因為我過咗30歲之後，就在乎事業。」再被追問有否就此事與宋雨琦傾過？他說：「有溝通，但係冇講過呢件事，（覺得佢好唔好？）好呀！（係你杯茶？追佢？）如果係一早追咗啦。」
更多現場圖輯：
部分圖片來源：宋雨琦@instagram
