71歲林建明（大姐明）早前在社交網貼AI臥病照表示因病暫停工作，幸好休養一個月後，她精神奕奕拍片上網報平安，舉V字手勢宣布可以出動了！
大姐明病癒首曬與友聚會的活動，修哥胡楓也在席。94歲修哥早前因急性膽管炎在伊院ICU昏迷4天，幸好做了通膽管手術康復出院，並在家休養，日前更出關跟陳曼娜一家飯敘。大姐明留言表示「喜見修哥康復！」然後是二人互相寸嘴對話。
明：胡楓，請你俾個樣我睇吓。
（他乖乖的將塊面向住我）
（我一看）
明：哇…白淨咗喎，仲靚仔過以前！
胡：使乜講！
明：咦…你口罩顏色好特別，原來襯返件衫！係咪玩Fashion先？
胡：唏，呢啲小兒科啦 ！
（每道餸菜都很美味，接近尾聲時來一道節瓜，修哥眼甘甘望住，但他已經飽了，因病後不能吃太多，一飽即止。於是陳太就有個提議）
陳：俾少少佢試吓啦。
明：係囉，俾鼻屎咁多佢試吓好嗱！
胡：鼻屎都有分大嚿同細嚿㗎喎！
明：（無語，接唔上添）
（明唯有轉話題）
明：胡楓你真係叻仔，精靈活潑，反應敏捷！
胡：我幾廿年嚟都係咁㗎啦，乜你而家先知咩？
明：（俾佢吹脹）
希望日後能夠有多多，長長，日子繼續與他互窒，鬥嘴！哈！
