林家謙一連十場《White Summer》紅館演唱會19日正式開鑼，昨晚（22日）舉行演唱會第5場時，卻發生舞台意外，有舞蹈員疑失足跌落台。從網上影片可見，有舞蹈員在台上跳舞期間，地上的機關突然打開，該名舞蹈員跌入空洞，令現場觀眾驚恐尖叫。
不過，事後有大會在Threads分享，表示已經「搵返個dancer」，該名舞蹈員現身受訪報平安：「本身個台上面同觀眾互動，互動期間個台降番落去。純粹原地降落去，乜事都冇。」從短片可見，舞蹈員Eric並無受傷。
大會亦回應：「其實dancer Eric同觀眾互動太過投入，走錯咗少少位。佢剛好喺個台降落嗰陣，同步隻腳踏喺降台面，於是他就同步一齊跟個台降番落去，並無受傷，並且即時又升返上台，跳足一晚。這個升降台是人手控制，並非由機械控制，所以任何情況發生，都可以即時控制升降上落速度，今晚的突發，下面手足已即時Hold停個台，迎接每一位安全上落，所以無人受傷。其實製作組對升降台上落把關是一直非常嚴謹，多謝大家關心，我們會繼續努力加油。」
