兩個同齡少女的「交心」，在《紅樓夢》中便有兩個著名章節：「第四十五回：金蘭契互剖金蘭語．風雨夕悶製風雨詞」，「第七十六回：凸碧堂品笛感淒清．凹晶館聯詩悲寂寞」。前者是黛玉和寶釵的「冰釋前嫌」，後者是黛玉和湘雲的「同病相憐」。《輪流傳》（一九八○）可說是香港電視劇史上對《紅樓夢》的致敬，甘國亮先生筆下一回又一回的「同學對話」，既有「諒解備忘錄」，例如解文意（李司棋）與黃影霞（鄭裕玲）唯一一次關上門來說的私房話，亦有黃影霞與翟粵生（李琳琳）的「失意人二重奏」。
後者發生在第十一集，會考放榜後「光頭」的翟粵生不是去找姊妹淘的任何一個，卻是藉「通知黃影霞解文意餞行宴」之名，一個人躲到黃影霞當帶位員的電影院裏釋放胸中抑悶。而黃，一語便把裝沒事的翟的心聲道破：「你會買張樓上飛上嚟？屋企無得你瞓呀？」
翟因被考試制度拒諸門外心有戚戚然，黃是聽到名列解的賓客名單上不以為然。「佢順口啫，我去唔去佢都無心裝載啦。」翟聽了也不勸解，這也是她與黃的關係不同於王穎兒（森森）與黃之處：「隨得你啦，王穎兒會再搵你，佢負責通知，我順口㗎咋。」意興闌珊的她，反而教黃緊張起來：「係咪我整到你有咩唔開心？」翟的「正義感」因而又被啟動：「好心你啦，呢啲係我自己嘅事，唔關任何人嘅事㗎，所以我咪煩返轉頭囉。」
言下之意，她是甚少自尋煩惱與為自己盤算的人。「我會考光頭，無心機，周街岳，買張飛，唔係嚟搵你訴苦㗎。」黃意外：「你反而光頭呀？」「我係邊個啫？有神仙打救咩？」黃：「咁係咪你無辦法入到大學㗎啦？」輟學於中學生涯一半路上的她，面前坐了個「同是淪落人」，曾經不同的命運來到這刻忽又「殊途同歸」，她對翟的關懷，猶如切膚，雖然口頭上她說的是「咁我又真係針唔到肉唔知痛呀。」
翟表明早已沒有繼續升學之意，但承認「王穎兒咪死好命囉，一優三良。陳婉嫻都過得骨呀，解文意就唔好講啦，佢都諗住去第二度讀書，唔志在㗎囉，幾好，要我信吓塊鏡。無嘢啦，我阿爸阿媽從來連會考係咩都唔理嘅，鬧我嗰個係我自己啫。」黃：「我唔戥你擔心，一班人之中，你係最識大事化小，小事化無㗎啦。」這一場「失意人逢失意事」的破涕為笑，便是因這一句而奏效。「呢句鼓勵得我幾好，好過請我飲沙士。死嘞，一時衝動用咗兩個四買咗張飛添呀，你好俾返錢嚟啦……唔得，愈唔入去睇埋佢呢，就愈蝕本。」
悲觀，但積極的翟粵生，是《輪流傳》記憶裏的一道光。