27歲曾展望（GM）於周日播出的戀綜真人騷《女神配對計劃》驚喜現身，在鏡頭前向32歲女神葉蒨文（Sophie）表白並成功獲取心動頸鏈後，隨即人氣急升，二人真摰互動的短片在官網播出11小時，便錄得80萬views，更成為昨日各大媒體報道的娛樂熱話。GM昨晚（9日）主持直播節目《奇情谷》，被2位拍檔火火及吳若希（Jinny）扮嬲，皆因GM沒跟他們講過參加該節目。
成為昨晚節目焦點的GM，正準備匯報今集內容時，Jinny已急不及待追問︰「係咪匯報你同葉蒨文（Sophie）嘅進展啫？」谷主火火接住加入戰團，大讚GM在戀愛綜藝真人騷表現︰「佢真係型到呢。」還重提多年前GM跟Sophie合作的節目《不能只有我看到的便利店追女神食譜》，他說︰「個塊『Chance蛋餅』嘅幽默同愛心、細心同誠意，真係無得頂。」Jinny接力唱「雙簧」，她表示查過GM跟歌手葉蒨文丈夫林子祥，是同一日生日，足證二人緣份。
昨晚不少網友在節目留言區為GM送上祝福及加油打氣，到節目完結共收到42萬個GM頭像stickers，破盡節目紀錄。對有多位網民在留言區指GM跟Sophie早在半年已在荃灣某apartment共築愛巢，對於「同居傳聞」GM否認說︰「我都想係，不過我未有咁嘅福分，多謝大家。」
今日GM在IG開post自言受寵若驚，並感謝大家的支持及創意「直情連個仔嘅名都幫我改埋，例如，曾天行（在人生道路上航行 充滿展望與未來）有心程度係誇張，我已經贏晒大家滿滿的愛 ，好感動」，同時不忘為Sophie減壓，他表示：「自己參加得節目就食得鹹魚抵得渴，但對女仔嚟講可能會有啲不知所措，好似已經幫佢篤定咗我，我想佢可以放鬆地作出自己開心嘅選擇……」。
葉蒨文受訪tvb.com時挑戰網民說：「有證據就攞出嚟，我都努力搵緊錢，未有能力租一個apartment住，我依家都係同屋企人住喺港島區。」並坦言網民太關注她與GM這一對，更祝他們早日結婚生仔，令她感到壓力，因為她都想跟其他男嘉賓認識，望大家給他們空間。
