曾傲棐（Arvin）早前推出新歌《頭號粉絲》，歌曲以粉絲對偶像的愛比喻愛情，冠上粉絲之名繼續偷偷愛對方，就算對方在自己心底沒有名字、沒有位置，也無阻付出，是自己沉下去的理由；而現實生活中，原來Arvin亦是日本女團「櫻坂46」的頭號粉絲，早前他更於Clockenflap音樂節追星成功，又一成就解鎖。
音樂節當日，Arvin跟朋友一早到場，趁偶像出場前更把握時間於場內大掃偶像周邊，包括應援棒、應援扇及毛巾等，一切準備就緒，「櫻坂46」一出場，Arvin立即拿出應援扇興奮大叫，隨後又跟旁邊的粉繼隨着歌曲齊齊大叫應援口號，十分投入。Arvin表示關注「櫻坂46」已有一段時間，只是個小粉絲，說到「頭號」粉絲，是在今次表演後才真正入坑，「我諗鍾意睇表演嘅人，都會好明白好多時親身感受到一個團體或者一個表演者嘅魅力，嗰種不能自拔感覺係無可比擬！望住佢哋有一種喺台上面發緊光感覺！」他又自爆原來這次是第一次看她們的show，「有機會嘅話，可能佢哋日後嚟香港開專場都一定會去！」
現實中是一名「頭號粉絲」，又推出同名歌曲，問到作為「頭號粉絲」需要甚麼條件？Arvin明言十分簡單，條件只有一個：「就係愛偶像嘅心！每個人能力性格唔同，為偶像做到嘅嘢唔同，但我覺得完全唔緊要，最緊要盡自己能力，用自己方法支持偶像，默默喺佢背後support就夠晒啦！」為偶像做過一件最瘋狂的事？Arvin坦言，因為自己比較內歛，所以說不上瘋狂，「真係將自己偶像出過嘅所有歌都聽晒，前奏響一秒就會知道係咩歌！」說到做到，「櫻坂46」演唱時，Arvin都識跟住唱，認真厲害！完show後，Arvin分享感受：「頭先雖然我做唔到『頭號』，企喺好後，但站在遙遠範圍已經夠㗎喇！」
