唱作女歌手黃妍（Cath）近期跳出舒適圈，作出不同嘗試。在拍攝系列短片《一日妍究生》中，不熟水性的Cath出海學揸帆船。雖然學習過程中表現忙亂及雞手鴨腳，但好學的態度獲船長大讚！
Cath本身不懂游水，所以出海前甚擔憂，並說：「因為我驚水同離心力，拍攝呢兩日天氣都有啲差，所以喺水上面會遇到我最驚嘅水同離心力，所以擔憂比較多。」
雖然驚水又不熟水性，但短片中可見Cath未有穿上救生衣，她說道：「我哋一上船就先教著救生衣同講晒所有安全措施，到我想著時同事就話好醜呀！影出嚟唔靚，同埋話如果我跌咗落水佢哋會救我，咁我哋惟有相信佢哋。」Cath更說：「揸船時好擔心會揈跌啲同事落水，但我哋出船時有9個人，而家拍攝完成都有9個人，所以我哋係安全嘅，教揸帆船嘅導師仲讚我，雖然力唔夠但叫我做咩都很做，願意學。」
船長對於Cath的表現都十分滿意，並說道：「黃同學其實好好，嗌佢做乜佢都肯做，明知自己唔夠力，佢都肯去試，好難得。」