Jer 新歌《自毀的程序》拍MV那日，遇上颱風襲港，拍MV先嚟落雨真係頭痕，仲要係外景，好彩係打風前夕，可以追時間，Jer 話製作組立即調動，當日凌晨時分，佢話：「如果按計劃呢刻拍完了，但現在要到明早八點先完工，不過畫面靚就OK！」
有一個場景喺隧道拍雪景，係佢最喜歡，「以前Mirrior 拍過，好靚，所以就算整污糟個頭，我都要keep住噴雪效果，因為畫面一定靚，不過大家會發現假雪會飛入我眼同鼻孔，所以靚嘅背後係閉氣。」
因為《自毀的程序》係《離別的程序》延續編，所以MV會出現晒《離別》嘅人同物，包括龍蝦、滅火筒同女主角。不過Jer就最想做MV入面那三個精靈之一，因為可以跳來跳去，吸引人注意，但做主角就keep住唔開心情緒同好奇心，唯一好處係保持一個狀況就可以過關，所以今次拍攝冇難度。
