王丹妮與羅孝勇穿上一身白色婚紗禮服，卻發生連串災難式意外。
黎明（Leon）新歌以《一生幸褔》為主題，MV請來恩愛夫妻王丹妮、羅孝勇擔任主角。新婚一年多的王丹妮與羅孝勇，首度合作拍攝MV，羅孝勇自言第一次與太太合作，心情既開心緊張又興奮。王丹妮則說：「MV內容好貼地，亦好貼近我哋生活，我哋新婚的1、2年，兩公婆點樣相處，遇到問題時怎去解決，都喺MV中有講到。」在旁的羅孝勇覺得MV的情節比較誇張。王丹妮笑說：「係呀！要澄清吓先，係個MV放大好多倍，希望達到個視覺效果，其實拍攝過程好有趣，好好玩。」
二人上演嗌大交。
黎明新歌《一生幸福》。
