關心妍（Jade）與老公楊長智（Jonas）2009年結婚，2016年誕下囡囡（楊榮心）。昨天（24日）是Jade與老公結婚13周年，Jade在社交平台上載了結婚照，另一張是一家三口食西餐慶祝，最後一張是兩公婆到日本餐廳「撐枱腳」，連食兩餐，就連衣服也是同一件，但原來當中是有原因的！
Jade寫道︰「以前食飯慶祝係二人行，因為心心未識同我哋一齊慶祝，六年之後就唔同咗啦，因為佢大個咗，佢話以後咩都要預埋佢。不過我哋想食魚生，唔可以帶六歲小朋友，而我哋又好想有二人世界，話晒都係我哋兩個結婚周年，所以由今年開始嘅以後，我哋都係要食兩餐啦，仲要着埋連戲衫等啲相係一至啲，真係好sweet又好笑。」
相片來源︰關心妍@Instagram
