「再見了TVB！所以喺TVB嘅最後一日，影咗啲相留念！
19年，真係一個唔短嘅日子！拍完最後一個鏡頭，原來眼淚真係會忍唔住流咗出嚟！
19年前，華哥（劉德華）安排咗我加入TVB嘅訓練班，希望我可以好似佢同家棟哥哥一樣，接受TVB木人巷嘅訓練！我好記得入TVB前，家棟哥哥同我講咗句說話：『入到去，乜都唔好理，耷低個頭就做，你一定會學到嘢！』
張頴康一直遵從家棟的說話，他好開心在19年後，成為一位實實在在的演員。10年前，張頴康在台慶頒獎禮獲頒「飛躍進步男藝員」獎，他表示要與當年致謝辭時一樣，「多謝家豪哥，小青姐，黃偉聲，張乾文，陳志江，方俊釗！多謝你哋畀咗好多機會我，成就我演出咗多個感動到觀眾嘅角色！」
近年張頴康與77工作室合作多齣劇集，他特別要多謝鍾澍佳的支持與鼓勵，令他愈演愈有信心，「讓我喺呢兩年內對演戲領會到另一個層次！」他亦不忘感謝TVB，「多謝你畀咗我一個咁好嘅平台，讓廣大嘅觀眾認識到我呢位演員！多謝你畀我認識到我眼中獨一無二嘅東張女神麥雅緻，然後仲成為咗我嘅老婆，俾咗我一個幸福完美嘅家庭！
好喇！19年後嘅今日，我終於可以好自豪咁講一句：「我張頴康，係劉德華同TVB栽培出嚟嘅演員！」張頴康在無綫演出最後一齣劇集是《玫瑰戰爭》。
