容祖兒、張衞健、吳業坤、湯怡、周家怡、鍾舒漫、鍾舒祺、江嘉敏、洪天明、周家蔚、賴慰玲、孫慧雪等一眾藝人，昨日（20日）齊集主題樂園，出席迪士尼動畫《反斗奇兵5》首映禮，場面星光熠熠。
張衞健以胡楓為榜樣 立志配音到95歲
張衞健已是該系列電影的「四朝元老」，笑言每七至九年推出一集，下次再配音自己可能已年過七十，但對聲演胡迪依然有心有力：「梗係得啦！湯漢斯得我就得。」他直言胡迪是其演藝生涯中極具代表性的里程碑：「我有其他作品例如孫悟空，爸爸媽媽嗰代好鍾意，但而家八九歲嘅小朋友未必知我係孫悟空，但佢哋知道嗰個係胡迪。」他更以胡楓為榜樣，目標是95歲仍能配音，並開玩笑說要與劉青雲「簽長命契」一齊報名健力士世界紀錄。被問到酬勞會否隨「四朝元老」地位遞增，他則坦言：「《反斗奇兵》我無設底線，幾多都會做，最重要係佢哋唔好換我，繼續畀我做胡迪。」至於好友許志安將開騷，張衞健否認是自己慫恿，但笑言做嘉賓「無上限」，利是也要「無上限」。
容祖兒難忘花車巡遊 生日月籌款七位數
容祖兒雖然每次配音都與偶像劉青雲分開錄音，但能藉宣傳期間碰面已感開心，更憶起廿年前與張衞健合作《功夫足球》，張衞健即表示隨時樂意再合作，將歡樂帶給大家。祖兒又透露中午參與花車巡遊時心情興奮，笑言是人生中的「高光時刻」：「喺花車上面見到每個人都望住我，見到大家發自內心嘅開心。」她早前在生日派對上預告明年一月於啟德舉行演唱會，但她澄清當時因太開心而說漏嘴，一切尚未落實，但如無意外應是明年一月。剛度過46歲生日的她，坦言今年生日月過得精彩，除了與歌迷聚會，更舉辦二手服裝義賣，扣除開支後籌得超過七位數字，售出逾2千件衣物後倉庫存貨仍不減，讓她驚訝之餘亦感激歌迷支持。對於好友蔡卓妍（阿Sa）被傳婚變，關智斌早前出席活動時已代為否認過，祖兒笑言：「大家仲要確認關智斌嘅說話，有無搞錯，係真㗎 ！好恩愛！」她並否認阿Sa有喜，強調若有好消息，阿Sa會親自公布。
鍾舒漫生日願望脫單 願考慮參加戀綜
昨日正是鍾舒漫的42歲生日，她與妹妹鍾舒祺一同出席，計劃在樂園晚餐慶祝，生日飯亦已吃了多頓，有閨密為她下廚。被問到生日願望，她直言：「希望快啲有個屋企，有個家，依家未有着落。」更開出「高大、靚仔和大隻」的擇偶條件。妹妹鍾舒祺即祝她早日脫單，但笑言身邊朋友都已婚，無法介紹。鍾舒漫透露明年將推出個人單曲及姊妹合唱歌，若拍拖成功便「三喜臨門」。她坦言以往太被動，今年決定主動出擊，因為見父母年事已高，希望他們能見證自己組織家庭，甚至不排除參加戀愛綜藝節目，雖覺尷尬但未嘗不可。
洪天明珍惜父子時光 洪金寶考慮手術
洪天明與太太周家蔚帶同大仔到場。周家蔚回憶當年陀着細仔臨盤在即，仍獨自帶大仔到主題樂園，更試過大仔走失的驚險事，自嘲大仔走失經驗豐富，最誇張一次在長城走失。天明笑言不想記起這些驚險回憶，但慶幸現年13歲的大仔仍願意與他牽手逛街，會好好珍惜父子時光。他又提到父親洪金寶因腳傷舊患，現時出入靠電動輪椅，已約好父親節吃午餐慶祝。洪天明透露爸爸正糾結是否接受微創手術，醫生建議抽取胸骨置換膝蓋患處，但爸爸目前仍靠物理治療來鍛鍊，未下決定。近日，周家蔚在無綫主持綜藝，洪天明則為HOY TV做主持，他笑言之後會回無綫拍節目，到時夫婦可同台合作。
江嘉敏勸妹妹勿入行 努力操練考黑帶
江嘉敏帶同剛大學畢業的妹妹入園遊玩，但表明反對妹妹入行或參選港姐，笑言：「唔好入行，會學壞呀！我都壞咗。」又戲稱自己以前文靜內向，不像現在說話大聲。她透露正努力減肥，近日重拾停了逾年的跆拳道訓練，目標明年考取黑帶。工作方面，她主持HOY TV睇樓節目《安居樂業》，但未有參加《我要做主播》海選，自嘲轉數不夠快，做主持可事前準備，主播則反應要快。
吳業坤自資出歌恨配音 牛仔帽零成本
吳業坤單拖現身，日籍太太未有同行，因擔心她聽不懂粵語配音，打算下次再陪她看戲。坤哥表示對《反斗奇兵》系列情有獨鍾，2019年以為《反斗奇兵4》是最終章，有感而發創作了歌曲《玩具成熟時》。他又直言恨做配音員，曾自薦但只配過《海底奇兵2》，懷疑表現未如理想而再無下文，但他未心灰，希望再試：「就算只係喧嘩吵鬧嘅角色都唔介意，有得試已經好開心。」他戴上的牛仔帽原來是「零成本」借回來的，笑言要慳錢做歌。自從離開TMG做獨立歌手後，他自資推出歌曲，透露新歌完成約四成，目標十月推出。
