張與辰因身體突感不適，今晨到醫院接受治療，從無綫娛樂新聞台拍攝片段所見，在候診期間，他癱軟在醫院大堂梳化上，用手緊按腹部位置，後來在工作人員攙扶下，往診症室接受檢查。經醫生初步診斷後，隨即安排入院，需留院觀察一晚，進行更詳細的檢查。
張與辰在病牀上拍片報平安，「Hello！大家好，我而家係醫院，大家唔使擔心我，噚晚臨瞓前突然間感到好痛，從未試過呢種嘅痛，唔係皮膚或肌肉痛，係入面嘅痛。所以為咗安全起見，今日就嚟咗醫院檢查。醫生話要留院一日做詳細Check-up，睇下究竟係咩事，唔好擔心，我好快就會好返，好返就會出嚟見大家」，最後與辰舉起V字手勢及展露笑容，「大家記得要聽新歌喎！」
更多圖輯：
