宣萱今日（6日）出席活動，談及TVB深夜重播她和張家輝主演的《騙中傳奇》，宣萱表示現在晚晚追劇，勾起好多回憶。她與張家輝只合作過《天地豪情》與《騙中傳奇》，她表示因為《騙》是搞笑戲，拍得好開心，但捱眼瞓就好辛苦，每日只睡2、3小時。宣萱與張家輝、錢嘉樂、苑瓊丹曾走上監製室，要求將他們的戲分分開，「我知道4個人一齊嘅戲好睇啲，但唔夠休息真係頂唔住。」她憶述在夏天開工，氣溫高達30多度，出外景時，反光板的反射令她張不開眼兼流眼水。
宣萱大讚家輝轉數快又活潑，「啲表情又衰，演得幾乞人憎，仲幾靚女。」宣萱曾經因為太攰而記不到對白，不斷NG，最終將貓紙貼在家輝的背脊，「嗰幕話佢要跪地俾我鬧，我就繞住佢180度行嚟行去狂鬧佢，我一唔記得就望住佢背脊，好似望住佢鬧咁樣。」
更多圖輯：
