官恩娜（Ella）跟中法混血老公Juan-Domingo Maurellet婚後育有一對子女，今年暑假跟往年一樣，一家四口遊法國享天倫，玩近一個月，Ella先後在社交網分享今次出遊美照，包括一家四口同框照和影片，又有同老公的合照。
最新一輯美照，47歲的Ella一身黑色短背心和喱士邊黑色熱褲與人字拖，戴上墨鏡隨意遊走街頭，除大騷逆天長腿，纖瘦體型與時尚裝扮仍然充滿少女感。
Ella昨日在ig限時動態上載在歐洲租車出遊，負責開車的她留言：「聽到嗰啲細路咁想我揸車，就知我係車手，但係其實每次喺外地租車，揸架完全唔熟嘅車，真係有啲Sam虛」，大玩食字。
最後Ella貼上坐在機上一臉不爽的自拍照，文字提及登機回來時出了點狀況，令她感到特別鬱悶，然後貼上把老公遮樣攤座機位上的照片，留言寫道：「話說上機先發現，我哋加咗錢坐埋一齊，但航空公司調走咗我哋其中一個，因為其中一個位壞咗唔可以變牀，都明白機組人員嘅難處，所以唔緊要啦我自己坐開，但點知我肯坐開都有問題，原來航空法例唔准小朋友自己坐一個位，要佢個位隔離係監護人，總之講到尾，就係大家企咗喺度冇位坐咗好耐好耐好耐好耐，最後都處理到，終於可以坐低」。
