姜濤透露人生第一次最迷惘的狀態，是因為成績太差，要離開中學，「你哋知唔知我有留班？不過好多人唔知嘅……我其實留咗兩年班，嗰陣時我唔好意思同大家講，我喺以前訪問講過讀到F.3，其實係假嘅！」他表示只讀到中一，覺得好丟架，「你諗F.1嘅嘢有幾難？但我讀極讀唔到。」
後來有社工幫他搵工，又鼓勵他報讀職業學校，但學業成績仍未如理想，他坦言最終夢想是做歌手，曾在內地參加比賽，後來參加《全民造星》，但他不諱言，成名後曾經迷失，又重提年前在頒獎禮上演唱「掃掃掃」事件。「其實掃掃掃之前嗰段時間，我已經開始崩潰，我做嘢會打玻璃，會鬧人，會鬧客」，有人對他說唔好飄，「講真，咁快就紅，點會唔飄呢？但我感激身邊啲人帶我返嚟。」
姜濤用自身經歷勉勵大家，「希望你哋記住，無論幾艱難，你想放棄都好，想點都好，好多人都講唔好放棄，但當你真係遇到嗰刻，要唔放棄，講真，呢件事有幾難。」姜濤希望未來大家繼續相信他，「因為我每一個選擇都係我自己做，我相信自己可以做到，希望你哋支持，多謝。」
更多現場圖輯：
部分圖片由姜濤官方後援會提供
