ViuTV 人氣王姜濤有份參與拍攝嘅台灣電視劇《超感應學園》廣東話配音版正在熱播中，劇中飾演西多士一角的姜濤與劉奕兒有一段告白戲分，而姜濤真實的告白經驗你知道嗎？姜b竟然試過慘食檸檬？
姜濤日前接受訪問時，仔細分享了讀書時的表白經驗。唔少人都知道小時候嘅姜濤係肥仔一名，當年仲係肥仔身形嘅姜b向心儀對象表白，當面便被拒絕，對方更補上一句：「對唔住，我係外貌協會嘅。」姜b嗰陣唔知外貌協會係乜，問完身邊朋友先知，原來對方認佢好醜樣。就係呢一句說話決定減肥，姜濤由一個汽球，轉變成一位型男。
