《女神配對計劃 最後告白》將於明晚（14日）播出大結局。昨晚（12日）一集，分別有關嘉敏（Carman）與黃家俊（Matthew）、梁敏巧（Maggie）與劉啟進（Matt），及葉蒨文（Sophie）與林堡熙（Eddie）上演「最後約會」。
向來鬼主意、表情兼笑料多多的Carman，竟約Matthew到室內遊樂場大玩「空中鋼索」及「波波池」約會，不浪漫程度與Matthew的MMA格鬥約會不相伯仲。約會期間，Carman要求Matthew在空中鋼索上奮力前進時，力數自己五個缺點，結果是畏高、唔識溝女、唔夠細心、唔夠話頭醒尾，及唔夠搞笑。事後Carman直指之所以帶Matthew玩刺激遊戲，全因想測試對方是否真的「零情緒」，並直指Matthew很AI：「我覺得你有少少似AI架講真。」
雖然Carman如此嚴苛，Matthew又直認玩遊戲時很害怕，但他仍努力一再向Carman表達愛意。不過Carman對Matthew的結論卻是：「我都諗緊揀唔揀佢好，我驚我會hurt到佢。」而Carman送Matthew的禮物，是為了回應男方在「三角枱約會」中的「燈燈燈凳」爛Gag、專誠自家製的「燈燈燈凳」頸鏈，相當有心思，Carman表示：「想記錄番你第一次講笑話畀我截咗糊。」Carman接受官方訪問時，坦言單是為了尋找這些別具意義的吊墜，前後花了足足數小時。
Carman與細John（姜卓文）的「最後約會」，將於大結局中登場。據知，為了迎合細John，Carman刻意安排了餐廳約會，除了齊齊食對二人來說充滿回憶的牛肉他他，並為細John炮製了他曾經在網上示範過的創意甜品—杜拜朱古力芒果糯米飯雪糕，並笑言此舉是想補償細John在「三角枱飯局」失去的甜品時間。
一心想與細John好好探討二人關係的Carman，還未真正開口已經想飆淚，Carman坦言「呢個傾偈唔想喊」：「每一次想同佢講我哋嘅嘢嘅時候，我就忍唔住咯。」之後Carman幾經掙扎、才成功收拾情緒訴心聲，其極力以笑臉忍住淚水的堅強觸動了細John，「見到佢喊我都好傷心，我唔夠成熟有啲位，我有啲位處理得唔夠好，先會搞到佢咁」並主動向Carman Say Sorry，但Carman卻著他不要講Sorry：「我覺得冇對與錯，我最唔開心係我明你…最慘係我明你。」
