夏韶聲（Danny Summer）今年8月才剛圓滿結束《Last Summer演唱會》，並同步推出《天眼》漫畫特別紀念版慶祝。不過，這位出了名「寵粉」的歌手，聽到粉絲們不斷敲碗，渴望能拿到他親筆簽名的漫畫，二話不說，就在昨日（1日）舉辦了《夏韶聲的漫畫世界及簽名會》，親自回應粉絲心願，外孫Kyle亦有到現場支持！
簽名會一開始，Danny就熱情地說：「咁多年以嚟，我有出過嚟幫粉絲簽書，但係仍然有好多係未簽得到。之前除咗喺書展可以有時間簽名外，實在有太多粉絲喺社交平台留言，佢哋都買咗我嘅漫畫，所以好希望可以攞到我嘅簽名。我同出版商傾過呢件事，覺得喺今日搞簽名會係最適合！過去喺我嘅演唱會已經有好多我嘅周邊產品賣咗，今日連唱片都可以攞埋嚟一齊簽。」
演唱會結束後，Danny已經重新投入他的漫畫世界。「大家都知道我係唱歌同演戲，但係我隻手畫漫畫其實都已經20幾年。喺咁多年裏面我出過好幾本漫畫，最近就係《天眼》漫畫特別紀念版，另外一個系列就係現代版嘅《西遊》，已經出咗兩集，𠵱家就畫緊第3集。因為開演唱會已經有大半年停咗，𠵱家又開始執筆畫返。」他還透露一個好消息：《Last Summer演唱會》正在計劃巡演！「主辦商係傾緊，但係最快都要明年先舉行到。」
簽名會吸引大批粉絲到場，不只買書支持，還專注聆聽Danny的創作分享。他透露，《西遊》這個故事的靈感，其實來自當年拍攝電視劇《西遊記（貳）》時的構思。「本來呢個係電影劇本嚟，我仲寄過畀吳宇森同周潤發，可惜都冇下文，所以我索性自己親自畫成漫畫推出。」
現場粉絲不但有機會近距離一睹偶像風采，更不惜排起長長人龍，除了漫畫之外，還帶來了大量珍藏品——從舊唱片到周邊商品，全都等著Danny一一簽名，場面溫馨又熱鬧！
