關心妍（Jade）近日偕同老公老公Jonas，以及囡囡楊榮心（Jovia）飛抵台北旅行，一家三口周圍玩樂享受親子樂。早前Jonas喺社交網貼出兩母女嘅相，相中見Jade笑到見牙唔牙，令網民紛紛留言佢因咩事笑得咁開心。
今日（8日）Jade終於開估，佢分享咗一條與囡囡坐車嘅影片，並寫道：「你的名字叫什麼？台北之旅，Jovia又一攪笑系列。爸爸Jonas已經預先將我笑到傻咗張相放上網，而家輪到我放片，大家就明白點解我笑到標眼水。 #關心妍唔係關宵夜」片中Jovia好努力咁學習講國語，但搞笑嘅發音就媽媽笑到標淚，畫面相當有趣！
圖片來源：關心妍、楊長智@Instagram