由張智霖（Chilam）、吳卓羲（Ron）等主演的豪門爭產劇《璀璨之城》，率先成為今年無綫的台慶劇，將於10月12日開播。劇情講述兩兄弟明爭暗鬥，但近日釋出Chilam與Ron其中一條排戲花絮片段，現場卻充滿歡樂笑聲。
片段中Ron醉酒攤坐梳化，Chilam跟他對戲後，Ron突然伸手到大腿位置搲痕，並後期加工打格仔，令人充滿遐想，Chilam轉頭一望，發出哈哈笑聲，Ron亦哈哈笑問鏡頭以外的人：「你有冇拍啫？」Chilam亦指控對方最喜歡將片放出街，不明為何小紅書有人匿名將片段放上網。二人嘻哈公審完對方一輪後，Chilam一句「食嘢啦」，Ron亦起身跟隨Chilam去吃東西。
網民都好奇Ron做了什麼動作要打格，要求去掉馬賽克，並有人笑問：「吳卓羲你在做咩，點解冇俾我睇」？
