由Alton@MIRROR主持的ViuTV熱播節目《勁騎26》，昨晚（7日）播出第10集，Alton召集兄弟Lokman、AK、Tiger一齊ride車，度身訂造一日行程！
做兄弟就預了「上刀山、落油鑊，在所不辭」，他們決意征服高難度山頭，期間於一條斜路發生意外，Lokman載着Tiger的電單車難以前進，不斷向後倒退，場面驚險萬分。大家唯有齊齊落車推車，發揮合作精神。Alton事後形容過程｢拋頭顱、灑熱血｣，自己將畢生難忘此事。
之後四人在山頂平原紮營生火，煮美食，邊食邊盡訴心中情。Alton特意為Lokman煮了一碟韓式牛肉包生菜，想勾起二人共同的回憶。
原來Alton和Lokman在組成MIRROR之前，曾因為跳舞比賽而一起在韓國待了一個月，因此成為了好友。二人講起由跳舞到組成MIRROR，直到現在還一起奮鬥，Lokman更表示12個人入邊無人可以代替和Alton 彼此的關係。四人更罕有地談及坊間將MIRROR 分為「上弦」、「下弦」的看法及感受，場面感人。