劉小慧罕談郭晉安。
劉小慧與蘇志威婚後一家四口好幸福。
近日小慧作客鍾慧冰的網上頻道節目，被問到有關報道，小慧否認是彼此的初戀，但承認曾跟郭晉安拍拖5年，並說：「我好感恩喺我人生裏面有郭晉安呢個男朋友，因為佢擺咗我喺一個好頭嘅位置，我比佢任何嘢都更重要，到最後我選擇咗離開，冇同佢一齊，我哋經歷咗好多嘢。我都夠膽講，佢同羅嘉良有今時今日，可以好自由身咁出嚟，因為我喺中間…因為我，所以佢哋變返自由身嘅。」當中因由她拒絕透露，但強調說：「我唔知點解啲人好似幫我作個故仔咁，即係我對得住呢段感情嘅，絕對對得住呢段感情，亦好感恩有佢，我相信安仔都會好感恩曾經有過我。」
劉小慧與郭晉安曾拍拖5年。
劉小慧續指拍拖就是給大家一個窗口期，看大家是否適合，「唔適合嘅話，就算再愛都冇辦法。因為有時候生活嘅小習慣，或者任何大嘅嘢，大家諗嘢模式唔一樣，已經可以斷定呢段婚姻唔會走到最後，因為中間會有好多磨擦。」
