Advertisement

伍允龍用聲音演出武打場面 陳家樂被指最年長新人感尷尬

本地
2026.11.18
撰文:王崇穎攝影:王崇穎

陳家樂、伍允龍、譚偉權、鄭子誠、倪秉郎與黃明德,今日(18日)出席港台《我自在江湖》廣播劇錄音探班,伍允龍首次聲演角色,「今次第一次,錄時都有人幫手,錄一句講一句,因為我其實都唔知意思,所以需要大家幫幫手,以前大家有睇戲都知我少拍古裝,因為有難度,自己對白都要拼音,講對白要好清楚,所以如果又要打又講對白就好困難,今次都好多打畫面,但聽眾睇唔到,我都想用聲去俾聽眾感受啲武打場面。」

相反陳家樂就好喜歡演古裝,但一直未有機會,「感覺好親切,因為都有聽前輩聲演,好有能量,自己好想演武俠廣播劇,點知又可以接到呢份工作,其實聲演同演是兩回事,聲演得把聲,要點去傳達俾聽眾,呢方面要慢慢學習。因為好多古語,要慢慢講,自己都想拍古裝,因為細時好喜歡睇古裝,而家聲演學吓嘢先,記得初入行時,大家都話我拍唔到古裝,因為太白淨。」

家樂於2026年以歌手身份跨界推出個人單曲,並以40歲之齡入圍競逐《2026年度叱咤樂壇流行榜頒獎典禮》「叱咤樂壇生力軍男歌手」,成為本屆年紀最大、演藝資歷最深的新人,「年底派歌都唔會預攞獎,但真係最年長咩?有史以來我唔係第一人,我印象中好似蔡一傑先生當年出單曲時都攞過,但佢真係攞獎,我多謝樂壇俾機會我,太太叫我玩吓。」

更多現場圖輯:

MIRROR 姜濤 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹