無綫台慶劇《下流上車族》昨晚一集大放笑彈,先有丁友善(袁文傑飾)大曬「震波」技驚四座,再有毓霞(鮑起靜飾)化身「雀后」智破騙局!袁文傑半裸上陣並瘋狂大曬「震波」神功,在廁所跟江美儀搞笑扮「咿唈」,他受訪時笑言:「從來都冇刻意鍛練過,一切都係從心而發。」他又謙稱自己「副偈」一般般:「都幾十歲人,Keep好少少就ok喇,同埋埋位前有做掌上壓谷下啲肌肉,美儀有睇住㗎!」
提到與美儀相隔多年再合作,文傑坦言感觸良多:「拍劇嚟講我諗都有十幾年喇,今次嘅對手戲比過去任何一次都多,同埋美儀當年係同我同一日去友台試鏡,仲要一齊被取錄。」他又指二人一開始就放到最盡:「本身大家都好熟,所以劇裏面啲壁咚、廁所戲分,我哋三扒兩撥已經搞掂晒。」
「竹戰」戲同樣笑料十足,劇情講述「哈比三傻」關細孝(鄧智堅飾)、阿力(關曜儁飾)、阿詩(林穎彤飾)與志明(林敏驄飾)合謀出千騙毓霞錢。