TVB 娛樂訪談節目《一周星星》今晚（25 日）播出新一集，邀來《璀璨之城》主演陣容齊聚，張智霖（Chilam）、吳卓羲（Ron）、高海寧（高 Ling）、張曦雯（Kelly）、江美儀擔任嘉賓，接受主持區永權訪問。一眾演員暢談拍攝點滴，分享劇組爆笑與崩潰時刻，揭開不少鏡頭背後鮮為人知的小故事。
《璀璨之城》播出後熱度持續，當中Chilam飾演的官孝賢，城府極深、奸到出汁，成功搶盡焦點。談起劇中誰人角色最陰險，眾嘉賓一致直指 Chilam，笑言他與姜大衛飾演的「阿爹」同樣不好惹，但 Chilam 更加陰沉，屬於「笑住嚟奸」的類型。飾演他老婆的高 Ling 亦半開玩笑賣關子：「我唔敢講啊！驚佢折磨我。」
今次是 Chilam 難得挑戰徹底的反派，演法令人眼前一亮。江美儀形容他在戲中「陰陰濕濕好恐怖」，不過 Chilam 本人卻未滿意演出，自覺尚有進步空間：「睇返片，我覺得自己太多反應，其實可以做得再好啲。」江美儀隨即力撐，大讚這個角色分量十足：「我成日同人講呢套戲一定要睇Chilam，上次Cool魔可以10年，呢個係佢第二個10年。」
劇中氣氛壓迫的「恐怖官家」戲分，原來令高Ling一度情緒崩潰。她憶述拍攝時壓力太大，忍不住躲在窗簾後落淚。Chilam 亦親自還原當時情況：「Cut咗機之後，佢自己縮埋一角喊，我心諗死嘞！我係咪過分咗呢？問佢OK嗎？都未講完，佢話『唔好掂我』，冇咩事我出去先。」這段幕後經歷引得全場爆笑。
節目設有「本尊 Fact Check」環節，焦點直擊坊間流傳「Kelly 同 Ron 戲假情真？」的傳聞。Chilam 更不時出言取笑，笑指 Ron 對 Kelly 處處維護。被問到這位劇中老公有什麼優點，Kelly甜笑並幽默回應：「多到講唔晒，《兩周星星》先得喎！」
在「你問我答」環節中，黃宗澤、薛家燕、陳豪、王丹妮等人更隔空出題，問題包括「Chilam，你會讓兒子入娛樂圈嗎？」、「Ron，你有甚麼黑歷史演出？」，Ron亦罕有公開自己的演出黑歷史，內容充滿驚喜。
