大台劇集時不時會出現一啲違反常理嘅橋段，例如關禮傑做空中飛人跳樓、謝天華攀石單手講電話等等。最近以貼地為賣點《果欄中的江湖大嫂》亦唔例外，日前播出一集果欄工人就用紙皮箱代替救生網，令高處墜下嘅楊明絲豪無損咁執番身彩，而救佢一命嘅紙箱竟然得最面嗰層𨋢咗少少。
從片段可見，擔心會發生命案的果欄工人看到疑似跳樓事件，便臨急生智想到堆起紙皮箱代替救生網，避免有人命傷亡。楊明身處樓高兩層的位置，當他勸阻波叔不要自尋短見時不幸墜樓，最後跌在紙皮箱上，仲大大聲同大家講：「冇事。」而由紙皮箱堆成的救生網只係最面嗰層𨋢咗少少，真係實淨得嚟抗震能力一流，有部少網民睇完呢一幕都話想知係咩牌子嘅紙皮箱咁穩陣。不過，筆者覺得呢啲都係戲劇後果，千祈唔好過分認真，出起事上嚟都係搵警察同消防員最實際吧。
最後，楊明終於喺第二集出場，至於唔少觀眾期待見到嘅馮盈盈仍然影都未見，唔知劇組會安排佢幾時出場呢？
延伸閱讀：【果欄中的江湖大嫂】黃浩然停工陪兒子讀書 林子善簽字結婚扮縮沙
延伸閱讀：【專訪】林子善錫老婆努力搵錢養家 老婆本借哥哥買樓
圖片來源：互聯網
影片來源：my TV SUPER
www.mytvsuper.com