美魔女溫碧霞（Irene）最近去咗日本東京旅行，但老公同囝囝竟然冇跟埋一齊去。事緣Irene今次搭飛機去日本唔單係Shopping relax影靚相咁簡單，查實係有正經事要做！
出名買樓投資有道的Irene，原來早在2015年便獨具慧眼購入東京六本木價值千萬的豪宅單位，更以每月五萬港元放租出去，碰巧上手租戶租約期滿，所以佢就飛去日本巡視下呢個市值千萬的物業，「我返咗六本木間屋睇下，因為啱啱租約期滿，返去睇下間屋，及安排新租客入住，打點一下。」
除咗巡視物業，Irene亦同一班友人浸溫泉兼賞紅葉，佢仲同大家開心share呢批靚相。問到Irene點解冇溫泉美照，她笑言：「梗係冇影相啦，唔影得架，我地去咗富士山浸溫泉，旅館只得露天風呂，分男士區同女士區，每位女士只得一條好細毛巾，根本遮唔到身體，都幾唔慣同尷尬，我地見到對方咁細條毛巾，大家笑咗出來，覺得好搞笑，不過一路浸溫泉，一路欣賞紅葉同富士山，天氣又凍凍地，舒服到不得了。」
部分圖片來源：互聯網