容祖兒鍾意出海，生日都搵大班朋友開船P慶祝，不過祖兒好少玩水上活動，雖然有一班鍾意滑水的朋友，包括謝霆鋒、關智斌Kenny、張志恆Steven和鄭希怡Yumiko等，但祖兒就好少參與其中，今日祖兒喺ig上載咗兩條學滑水嘅短片，公開佢人生嘅第一次，雖然兩條片祖兒都係因為聽到教練指令分咗心，才會雞手鴨腳跌落水，佢自嘲留言話似足《笑笑小電影》。
知情人士講，嗰日祖兒係因為知道有朋友出海滑水，同行的船家本身係一名教練，於是佢就諗住去玩吓，佢玩嘅Wakesurf，一款新式的滑水板，不用穿滑水鞋，因為速度較慢，更安全，而且學識無繩滑水之後，仲可以玩到很多花式，很適合女生玩，吳千語同胡定欣都係愛好者，仲話其實祖兒滑水係有天分嘅，佢試咗兩三次就已經上到水，同埋玩到最後段，都係有板有眼嘅，只不過佢因為
容祖兒覺得自己初學時實在太搞笑，忍唔住分享佢嘅蝦碌片段。
一班玩慣滑水嘅朋友，見到祖兒加入滑水行列，都留言約她一齊出海，相信有咁多朋友同佢操練，要睇玩得好專業的片段同大家開心share ，指日可待啦！
圖片來源：容祖兒@Instagram