陳庭欣、何沛珈、梁敏巧、李旻芳、黎寬怡與甘詠寧，今日（11日）出席《萬千星輝賀台慶》「東張女神盃」記者會。《女神配對計劃2》播出後，何沛珈因與Oscar配對成功而捲入爭議，更被大批網民狠批機心重及行為綠茶。
因爭奪Oscar而面對外界種種負面評價及綠茶指控，何沛珈展現出專業態度，她表示觀眾投入觀看節目，絕對是一件好事，並期望大眾未來能將注意力放回眾人感情發展上，「經過今次節目，自己抗壓能力強咗，雖然都有唔開心，外間都有唔少負面聲音，但節目有討論度係好事，自己依家比較佛系，唔會特別解釋，怕講多錯多！最難聽係講我家人及人身攻擊，但冇辦法，把口喺人哋度，不過自己冇後悔參加，始終都係一個經歷，令你會愈來愈好。人生一定會遇到，當然形象會影響工作方面，惟有未來做好啲，每個人都有自己解釋，唔可以配合到大家要求，只可以檢討自己，做好自己。」
面對一眾男參賽者，她表示仍要好好相處了解，「我都渴望有男朋友，女仔都想有人錫，但勉強不來，要睇緣份，總會遇到。因為節目仲未拍完，大家仍然了解中，當中有些人品及性格都合適，但現實相處同拍節目又不一樣，要慢慢相處再觀察。」
更多現場圖輯：
