《中年好聲音4》昨晚（16日）播出「10強累積排名分」最終回「衛蘭之夜」，衛蘭擔任嘉賓評審。許雲妮把Jazz元素融入R&B風格的《大哥》之中，唱出與原版截然不同的韻味，獲衛蘭激讚：「你唱Chorus部份好似唔需要力，因為我自己唱出嚟都好似好辛苦，聽你係好舒服。」周國豐指雖然《大哥》本身是一首R&B歌曲，但雲妮巧妙地運用了自己擅長的Jazz唱法來演繹，並評價：「成件事顯露咗一樣嘢，許雲妮係有大將之風。」最後她奪得93分佳績及首奪MVP，雲妮激動落淚，隨後解釋眼淚並非因為獲獎，而是滿載對《中4》舞台的不捨：「我真係好唔捨得今日係最後一次喺呢個廠錄影。」她又稱是自己41歲生日最好的禮物：「好開心識到依家在場所有嘅每一個人。」
最後賽果如下：蔡宓婕《穿花蝴蝶》94分、許雲妮《大哥》93分、尹景順《陰天假期》93分、尤淑情《離家出走》92分、許美琪《My Love My Fate》92分、周志康《愛你還愛你》92分、鄭家聲《如水》91分、陳旭培《街燈晚餐》91分、吳亦偉《驗傷》90分、鄭仲豪《就算世界無童話》90分。
經過5個回合激戰，尹景順、尤淑情、許美琪、許雲妮、吳亦偉、蔡宓婕、鄭家聲成為終極7強；而累積排名分榜末3位選手，第8名周志康、第9名陳旭培及第10名鄭仲豪無緣晉級。
周志康哽咽憶述最初戴上面具以「企鵝人」身份參賽的心態：「多謝呢個節目，由一開始蒙住我塊面，我唔係邊個，我只係一個鍾意唱歌嘅人，多謝呢個節目，令到我、原來我把聲係可以觸動到人，呢件事我覺得好幸運，所以我多謝『企鵝人』。 多謝你哋（《中4》戰友），由一開始我哋紫隊，我哋每一次唱歌，唔單止唱一首歌咁簡單，其實我哋當中要背負嘅嘢太多啦，佢哋背後嘅故事好值得大家去支持，所以我希望……就算我離開咗呢個舞台，7強嘅朋友都可以得到大家嘅支持，因為大家都真係好唔簡單。」
周志康續說：「多謝我兩個女，陪住爸爸行呢段旅程，亦都要多謝我太太啦，因為呢段時間佢要照顧家庭，要照顧埋我，好愛佢哋。我阿哥周志文，我同佢唔需要講太多，因為我同佢真係心連心，Thank You ！」
陳旭培更泣不成聲，他表示不想這個旅程結束，但不是想入決賽，而是不捨一班戰友：「有好多人話『我哋一齊入決賽』，雖然而家做唔到，我都會好衷心支持你哋，每一個喺啟德發光發亮。最後多謝我老婆，冇佢我真係參加唔到呢個比賽，我希望我嘅淚水可以化為我之後嘅動力。」他表示自己的音樂旅程才剛起步，再次感激《中4》舞台讓他發光發亮。
帶病上陣的「Rock友」鄭仲豪瀟灑告別：「呢個可能對於我嚟講先係一個最大嘅Blessing（祝福），離開呢個比賽……我會有好多歌寫咗、儲咗，要出，所以大家唔需要太傷心，後會有期，Thank you！」
更多現場圖輯：
