由MCL戲院主辦的一呼百應金句場，會在十二月選出五部經典電影:《家有囍事》、《回魂夜》、《逃學威龍》、《嚦咕嚦咕新年財》及《唐伯虎點秋香》上映，更用了有人唱起「燒雞翼🍗」就會有人唱埋「我鍾意食 😋」只要響起「人品好😌 」就會有人接「牌品自然好😉」的金句作宣傳，給讓觀眾入場重溫嗌過夠。
昨天，毛舜筠在IG貼上跟細女區亦山（Jill）齊齊捧率先放映的《家有囍事》，她留言：「當年首映時我坐在戲院內，點會諗到33年後嘅今日，我會拖住個女再入戲院重溫呢部經典喜劇！😂
場內坐滿咗『鐵粉』🥰，有睇咗超過五十次，甚至過百次的🤣，有放學後覺得要入戲院睇一次的18歲年青人，有家人陪伴着坐輪椅的婆婆…🥹🥹 每一位我都在散場後跟他們續一拍照留念…
細女Jill係第一次睇，我諗佢覺得好神奇，點解周圍啲觀眾識得背晒啲對白🤣🤣🤣
散場嗰陣，彭導問Jill：『睇完覺得點呀？』Jill笑著說：『媽咪同戲入面嗰個一模一樣！』😂😂😂
對我來說，有生之年可以同下一代一齊重溫這部經典，實在太太太開心🥰」
毛舜筠睇完戲，更幫影迷簽名及合照。而網民亦紛紛留言大讚《家有囍事》是經典及百看厭，「《家有囍事》真係百看不厭😭❤️每次睇都笑到傻🤣 大愛表姑奶奶！」、「我成晚都姨母笑住咁睇太surreal喇！！！實在係至正～❤️」、「最記得…『世界末日，無電視睇』」等等。
