MIRROR成員呂爵安（Edan）昨晚（16日）在亞博舉行首場《EDAN LUI 「e to E」 LIVE 2025》，他在演唱會中換上和尚袍化身「兒登大師」，自稱「祓教徒」，手持塵拂出場，並大講棟篤笑，「有人同兒登大師講，你變咗，我出道七年改變好多，例如我影相嘅甫士唔同咗，依家嘅甫士，連我都心動。以前遲到會鞠躬道歉，依家我係唔會再遲到，以前訪問牙肉爆晒出嚟，依家係不苟言笑，但不變嘅係今次同之前一樣都係開三場演唱會，人會變月會圓，但點變都唔會好似Jer塊臉咁圓。」他又玩自嘲，指最近在網上的「難聽歌手俱樂部」上榜，「我轉念一想，我睇吓其他歌手係Jer，我同佢係同一個歌手俱樂部會員，咁知我咩料啦！」
Edan之後請羅家英出場，兩人以師徒相稱，家英哥一上台，即引來全場大笑。家英哥同樣以和尚造型現身，並以塵拂向Edan身上輕掃，兩人一唱一和，重提當年他們為ViuTV去台灣拍綜藝節目結。家英哥連環爆料：「當年同Edan去台灣，佢好鍾意沖涼，佢除咗衫之後，仲有一個女仔坐喺我哋旁邊，我雙手放上頭，Edan就將手放在‥‥‥我又鍾意叫佢『缽缽』，因為佢經常放屁。」惹來哄堂大笑。Edan笑言擔心被前輩繼續爆料，便呼籲全場觀眾祝福家英哥身體健康；家英哥亦回敬Edan紅遍全球。最後，兩人合唱電影經典《Only You》，表現甚有默契。
Edan隨後又邀來馬來西亞創作歌手菲道爾擔任嘉賓，並合唱《能遇見，就很不錯了》及《友誼長存》。Edan坦言很喜歡菲道爾的歌，並以自肥計劃形容今次合作；菲道爾則向Edan提出合作邀請，「我作曲，你填詞。」但被Edan婉拒，「作詞不行，我寫的都是髒話。」
Edan在Encore時突然走到觀眾席通道，與歌迷來個近距離互動，一邊唱出《LOVERSE》，一邊跟大家自拍及拼心心手勢。眼看粉絲興奮雀躍的反應，他即呼籲大家守秩序，留在自己座位上，以免造成混亂，否則其餘兩場演出或許會取消互動環節。
Edan除了搞笑，還流露感性一面，剖白近年面對很多事情的發生，心態上改變很多，「個天逼我成長、大個、要改變，大家見到有啲，見唔到有更多，身邊好多愛我錫我、支持我嘅人，包括在座每一位對我不離不棄。衷心多謝大家咁愛錫我，咁無條件同咁誇張，我會繼續做自己認為啱嘅事，繼續行我嘅人生路，去探索同摸索，無論未來咩階段、咩難關、挑戰定開心，都希望有你哋我陪住我一齊行，我都會陪住你哋，我會每變得更成熟同好。」
