李璨琛老婆Sophia兩周前在社交網曬出大女李元元（Lucy）小一畢業禮獲頒操行獎獎狀和獎學金，表示「攞操行獎開心過考第1一千倍」，今日（15日）則曬Lucy考獲全班第二的成績表，作為媽媽的她「O咗嘴」，因她笑指Lucy「幼稚園係一個文盲」。
Sophia留言：「想講返佢攞到好成績，完全唔關老母我嘅事，係我好好彩有一位好好嘅網民介紹咗一位超級鍾意教小朋友嘅伴讀書童（補習老師）俾我，每日放學一個鐘同佢讀書做功課溫習搞掂晒所有嘢。最開心係經過房間成日聽到佢哋笑到格格聲，老師仲成日教埋晒啲無聊IQ題，所以我都好感謝呢位咁有愛嘅補習老師，簡直係我嘅救世主。當然我都好感謝果（嗰）位網民介紹啲咁筍嘅嘢俾我，可能佢都睇穿咗我完全唔係陪讀書嗰科，驚我會爆炸，然後個人抑鬱從此唔再post IG，真係好多謝你呀！」
Sophia笑言沒有這位補習姐姐真的不可以，希望對方看到言帖文後千萬不要加她價，並再次強調：「不過老母還是最開心，操行方面好多都攞A-，做人冇品讀書幾叻都冇用，BTW，LU仔真係好容易滿足，問佢想買咩禮物獎勵吓佢，佢話求其買支水槍就OK啦」！照片中顯示了Lucy成績表的一部分，一班23人考第二外，還是全級97人考第十，評語：「元元學行優良，人熱誠，性格爽朗，性頗機敏」，並指她課外活動和服務方面是「開心小人類」等。
